مصطلحات متاوية ... لعشاق المتة

من طرف أحمد الأحمد 28/09/12, 03:40 am

مصطلحات متاوية :
جاي اشرب عندك كاسة متة ؛؛؛؛ يعني جاي لعندك زيارة
عازمك ع كاسة متة ؛؛؛؛ عازمك لعندي
هالحديث بدو كاسة متة ؛؛؛؛ يعني ما بينقال عالواقف أو عالتلفون , بدو قعدة
بتتخيل كاسة المتة هون ؟؟ ؛؛؛؛ يعني المنطقة جميلة جدا
حزور وين شربت متة ؟؟ ؛؛؛؛ تدل على غرابة مكان زرته
حزور مع مين شربت متة ؟؟؛؛؛؛ قعدت مع واحد ما رح تتوقعو أبدا
ياما شربان كاسة متة معو ؛؛؛؛ كنت صاحبو كتييييييير
سخن المتة ؛؛؛؛ أنا جاييك عالطريق
لسا ما قطعت كاستك ؛؛؛؛ بتنقال اذا ضيفك بدو يروح وما طول بالقعدة
بدنا نجدد ؛؛؛؛ قعدتنا مطولة
جددنا تلت مرات ؛؛؛؛ يعني الزلمي طول عندي
قطعت كاستو وما كنت جددلو ؛؛؛؛ دبقني الأخ و حاولت قحطلو
مركزا لحالي ؛؛؛؛ يعني حاطط كاسة المتة ومروق لحالي
طيبة هلأ كاسة المتة ؛؛؛؛ بتنقال بعد أي شي بيعملو شريب المتة وبالأخص بعد أكلة دسمة أو الصبحيات
بدا كاسة متة ؛؛؛؛ الشغلة بدا تركيييييييييييز
شبك ؟؟؟؟!!!! بدنا نشرب متة ؛؛؛؛ لا تقلي رايح
هالجملة نقالت بقعدة متة ؛؛؛؛ يعني هالجملة ضعيفة المصداقية

lol!